2023 жылы 12 қаңтарда Қостанай облыстық тарихи-өлкетану музейінің қызметкері Әзірханова Д.Т. «Алау» телеарнасының ӨТЖ жаңалықтарында Қазақстан Республикасы Президентінің Архивінен, ҚР Орталық мемлекеттік архивінен, ҚР Орталық мемлекеттік кино-фотоқұжаттар мен дыбыс жазбалар архивінен алынған құжаттар және фотоматериалдармен таныстырды.

Қостанай қаласының негізі қалануының тарихы, Торғай облысының халық училищелері, Қазақ КСР ОАК жанындағы байлардың мүліктерін тәркілеу және байларды көшіру жөніндегі Орталық комиссияның қызметіне қатысты, Иверская қауымының монастырьға айналуына байланысты келіп түскен құжаттардың мазмұны туралы әңгімеледі. М.Сералин, С.Қожамқұлов, Е.Өмірзақов, Б.Байқадамов, Ж.Демеев, К.Дөненбаева туралы фотоқұжаттар көрсетілді.