29 шілде күні Ұлы ақын Абай Құнанбайұлының 175 жылдық мерейтойына орай Қостанай облыстық тарихи-өлкетану музейінің қызметкері «ҚР ҰҚК Шекара қызметі басқармасы» ММ арнайы құрамына «Абай - Ұлы даланың ұлы тұлғасы» атты музей дәрісін оқыды. Қашықтықтан ұйымдастырылған іс-шара Ұлы ойшыл ақынның мол мұрасына, шығармашылығына, философиялық және өмірлік ұстанымдарына арналды. Дәріс барысында музей қорынан және Абайдың «Жидебай-Бөрілі» мемлекеттік тарихи-мәдени және әдеби-мемориалдық музей қорынан алынған фотосуреттер экраннан көрсетілді.
