«Ауыспалы көрме» жоба шеңберінде Халықаралық музейлер күні Қостанай облыстық тарихи – өлкетану музейінде ақын, әдебиет зерттеуші ғалым, қоғам қайраткері Ахмет Байтұрсыновтың  150-жылдығына орай «Алаш арыстары Қостанай елінде» атты Павлодар облыстық Бұқар жырау атындағы әдебиет және өнер музейі  қорынан тақырыптық көрменің салтанатты ашылуы өтті. Көрмеде «Алаш Орда» ұлттық партиясының идеясын қызу қолдап,  жұмысына белсене қатысқан Павлодар облысының тумалары - Қазақстанның көрнекті әдебиет және өнер қайраткерлерінің  өмірі мен шығармашылығына қатысты бірегей жәдігерлер, материалдар мен фотоқұжаттар ұсынылды.