2023 жылдың 23 мамырында Қостанай облысы әкімдігінің Мәдениет басқармасының Қостанай облыстық тарихи-өлкетану музейінің бейнелеу өнері бөлімінің көрме залында А.И.Никифоров атындағы көркемсурет мектебі оқушыларының «Бояулар үн қатқанда» көрмесі ашылды.

Көрмеге 80-нен астам көркемсурет туындылары қойылды. Бұл студенттердің кескіндеме мен графиканың әртүрлі техникасында жасалған дипломдық жұмыстары, сондай-ақ жас дарындардың сәндік-қолданбалы өнер және шағын мүсіндер түріндегі шығармашылық жетістіктері.

А.И.Никифоров атындағы көркемсурет мектебі 1983 жылы оқушыларға есігін айқара ашты. Биыл мектеп 40 жылдық мерейтойын атап өтеді. Осы жылдар ішінде мектеп қабырғасынан бір емес, бірнеше ұрпақ тәрбиеленіп шықты, олар суретші, дизайнер, мұғалім немесе тарихшы, дәрігер, музыкант, құрылысшы болса да мамандық таңдауда осы оқу орнында алған дағдылары мен білімдері көмектесті.

«Бояулар үн қатқанда» көрмесі бір ай бойы жұмыс істейді.