2022 жылдың 4 наурызында Қостанай облыстық тарихи-өлкетану музейінде 8 наурыз Халықаралық әйелдер күніне және Қазақстандағы Балалар жылына орай «Әйел көзқарасы» интерактивті ФотоАрт акциясы өтті.

Фотокөрмеде қостанайлық фотограф арулардың үздік жұмыстары ұсынылды. Экспозиция 30-дан астам фотосуреттерді қамтыды, онда әйел сүйіспеншілігімен көзге түсетін алаңсыз балалық шақтың ең бақытты және ең жарқын сәттері түсірілген. Мерекелік іс-шараға шақырылған отбасылар тосыннан жасалған ФотоАрт студиясында фотоға түсіп, фото-жиектемелер жасау бойынша шеберлік сабағына қатысты.

Музейге келген бүлдіршіндерге ерекше көңіл бөлінді. Балалар ойыны алаңында олар өз қызығушылықтарына қарай шыныға құммен сурет салып, өз арманындағы үйдің қызықты құрылымын жобалады, «Шежіре» құрастырып, музыкалық ойындарға қатысты. Акция барысында кішкентай өнерпаздар ән айтып, би билеп мерекелік көтеріңкі көңіл-күй сыйлайды