2014 жылы 19 наурызда Қостанай облыстық тарихи-өлкетану мұражайы Наурыз мерекесіне арнап «Наурыз – Ұлыстың Ұлы күні» атты іс-шара өткізілді.

Дәстүрімізге айналған Ұлыстың ұлы күнінде мұражай қызметкерлері іс-шараға қатысушыларға ұлттық тағамдардың жасалу жолдарын көрсетіп, сақтау әдістері туралы түсінік берді.

Қазақ халқы үшін дастарханнан артық, дәмнен үлкен еш нәрсе жоқ. Қазақ халқы асты жоғары бағалап, қадірлей білген. Сондықтан қазақтар адам қажеттіліктерінің ішінде тағамды жоғары қойған.

Мерекеге қатысушылар қазақ халқының ұлттық тағамдарымен танысып қана қоймай дәмін татып көре алды. Іс-шараға қостанайлық ақындар Әлфия Орманшина және Салтанат Өтелбаева қатысты.