2014 жылдың 5 ақпанында Қостанай облыстық тарихи-өлкетану мұражайында Қазақстан Республикасының халық суретшісі, Қазақстанның бейнелеу өнерінің негізін қалаушылардың бірі – Әбілхан Қастеевтің 110 жылдығына арналған «Қастеев дәуірі» - атты мұражайдың қор жиынтығындағы туындысын ұсындық.Әбілхан Қастеев қазақ көркем сурет өнерінің дамуына үлкен үлес қосқан шебер.

Ә.Қастеев туындыларының топтамасы Қостанай облыстық тарихи-өлкетану мұражайына 1960 жылы Қазақ Мемлекеттік көркемсурет галереясынан (Алматы қ.) тапсырылған. Көрмеде Ә. Қастеевтің 16 туындысы және халық суретшісі Николай Хлудовтың бір туындысымен таныстырылды. Себебі Н. Хлудов Ә. Қастеевтің алғашқы ұстазы.

Көрмеге жергілікті суретшілер шақырылды: Г.М. Соков, В.В. Быков және басқада жерлес өнер сүйгіш қауым. Халық суретшісі Ә. Қастеевтің туындыларымен А. Байтұрсынов атындағы ҚМУ студенттері мен А. И. Никифиров атындағы көкемөнер мектебінің оқушлары таныстырылды.