1992 жылдан бастап жыл сайын 18 қазанда Қазақстан халқының рухани келісім күні аталып өтіледі. Бүгін Қостанай облыстық тарихи-өлкетану музейі Балалар жылы аясында «Қазақстан - рухани келісім мен мәдениет орталығы» атты төзімділік сабағын өткізді. Музей қызметкері № 19 жалпы білім беретін мектебінің оқушыларына мерекенің мақсаттары, идеялары және тарихи оқиғалары туралы әңгімеледі. Бұл күн татулық, мейірімділік пен жақындарға қайырымдылық жасау, сондай-ақ қақтығыстар мен жанжалдарға тоқтам салу күні.