7 мамыр – Қазақстан Республикасының Отан қорғаушылар күні. Бұл күн қазақстандықтардың ерлік жылнамасын, Отанға қызмет ету дәстүрлерінің сабақтастығын бейнелейді. Халық ұланының ерлігі – бүкіл елдің абыройы мен қадір-қасиеті. Бұл қуатты мемлекеттің мәртебесі мен тұрақтылығы. Жарқын болашақтың кепілі.

Бүгін мереке қарсаңында Қостанай облыстық тарихи-өлкетану музейі «Айбынды әскер – Тәуелсіздіктің тірегі» атты ҚР Қарулы күштерінің 30 жылдығына орай интерактивті музей акциясын өткізді. Шараның басты қонақтары Қазақстан Республикасы Ұлттық гвардиясының №6697 әскери бөлімінің әскери оркестрі болды. Әскери форма киген офицерлер барша қонақтарға музыкалық аспаптарымен және әскери-патриоттық шығармаларымен жақсы әсер қалдырып, тамаша көңіл-күй сыйлады. Бұл жас ұрпақтың бойына патриоттық сезім қалыптастырады.