14 сәуір сағат 12.00-де Қостанай облыстық тарихи-өлкетану музейінің Facebook, Instagram, Vkontakte әлеуметтік желідегі парақшаларында оқырмандар үшін тікелей эфирде онлайн экскурсия ұйымдастырылды. Экскурсия Кейкі батырдың кесенесінің макеті қойылған «Рухани жаңғыру» экспозициялық залында өтті. Музей қызметкері В.С.Щербин 1916 жылғы ұлт-азаттық көтерілістің батыры Кейкі (Нұрмағанбет) Көкембаевтың өмірі туралы ақпарат берді. Сондай-ақ Амангелді ауданы Тасты ауылынан қашық емес жерде орналасқан Кейкі батыр кесенесі туралы айтып таныстырды.