2020 жылдың 11 наурызында Қостанай облыстық тарихи-өлкетану музейінің Жеңістің 75 жылдығына арналған «Жеңіс жолында -музей дилижансы» атты ай сайынғы мәдени-білім беру жобасы Қостанай қаласындағы №18 бағыттағы жолаушылар көлігінде өтті. Музей қызметкерлері жолаушыларға Ұлы Отан соғысы жылдарындағы Қостанай облысының тарихы туралы ақпараттар беріп, қостанайлық батырлардың өмірі туралы айтты. Патриоттық акцияның белсенді қатысушылары Қостанай тұрмыстық сала колледжінің студенттері болды.