Қостанай облыстық тарихи-өлкетану музейінде музейдің қор жиынтығындағы кескіндеме туындыларынан «Туған жер» атты көрме ұйымдастырылды. Туындылары көрмеге қойылған қостанайлық суретшілерді туған жерге, табиғатқа деген махаббат біріктіреді. Қостанай жері өзінің ерекше табиғатымен әйгілі. Оның ерекшелігі шексіз дала, көлдер мен қалың ормандар үйлесімінде.

Көрмеге өз шығармашылықтарын және туған жерге деген сүйіспеншіліктерін жомарттықпен шабыттана сыйлаған суретшілердің 16 туындысы қойылған. Авторлардың әрқайсысының өзіндік стилі, өзіндік орындау мәнері бар. Олардың шығармаларынан бояулардың үндестігі, бейнелі шешімнің айбындылығы, дүниені қабылдау тұтастығы айқын көрінеді.