2017 жылдың 13 қаңтарында Қостанай облыстық тарихи-өлкетану музейінде 10 қостанайлық қолөнер шеберлерінің туындыларынан «Қолдан жасалған ғажайыптар» атты көрме ашылды.
Қостанайлық шеберлердің қолынан шыққан үйдің ішкі көрінісін әшекейлейтін авторлық қуыршақтар, кәмпитке арналған эксклюзивті сыйлық қораптар, декупаж техникасында жасалған қобдишалар, дизайнерлік сабын, сонымен қатар зергерлік әшекейлер бірегей және қайталанбас. Оларда қолөнер шеберлерінің жан жылуы, жайлылыққа, шығармашылыққа және әсемдікке деген ұмтылыс бар.
Іс-шара барысында үйдің ішкі көрінісінің заттарын жасайтын маман Оксана Дьяченко, сыдырма ілгектерден әшекейлер жасайтын шебер Қарлығаш Жүсіпбекова, тоқыма ойыншықтар авторы Распопова Людмила қонақтармен өз өнерінің құпиясымен бөлісіп, шеберлік сабағын өткізді. Қолөнер шебері Әбілева Рыскүл Әмірқызы үйренуге ынта білдірушілерді пішіп-тігу, тоқу курсына шақырды.
Шеберлер вернисажымен көркемдік салон меңгерушісі Лидия Петровна Маслюк және белгілі қостанайлық вокалшы Владимир Алексанин құттықтады.
Әр адам өз жүрегіне жақын нәрсе табатын «Қолдан жасалған ғажайыптар» атты көрме қолөнер шеберлерін бірыңғай шығармашылық кеңістікте біріктіреді.
Көрме -жәрменке ақпанның аяғына дейін жұмыс істейді.
