17 қыркүйекте Қазақстан Республикасының Абай атындағы Мемлекеттік сыйлығының лауреаты, Қазақстанның халық жазушысы, 1-дәрежелі Отан соғысы, Қызыл Ту, Халықтар Достығы, «Құрмет Белгісі» ордендерінің иегері, ақын Сырбай Мәуленовтің туғанына 100 жыл толады. Сырбай Мәуленов қырыққа жуық  жинақтардың авторы. Ақынның 100 жылдық мерейтойы қарсаңында 2022 жылдың 15 қыркүйегінде Қостанай облыстық тарихи-өлктану музейі «Өлеңмен өрілген өмір» атты портрет-кеш өткізді. Шараға  қатысушылар Сырбай Мәуленовтің өмірі мен шығармашылығы жайлы білді, оның өмірбаянының қызықты және көпшілікке белгісіз деректерімен танысты. Оқушылар автордың өлеңдерін оқыды, сондай-ақ ақын өмірінің беттерін ашатын бейнероликтер көрсетілді. Жазушының шығармашылығымен танысу мақсатында шағын көрме ұйымдастырылды.