Іс-шараға «Қостанай облысы бойынша іскер әйелдер қауымдастығы» қоғамдық ұйымының атқарушы директоры Л.В. Мацупа; қалалық «Қостанай» газетінің тілшісі Ғазиз Мешіт; БАҚ өкілдері, ЖОО студенттері қатысты.

1991 жылы 1 желтоқсанда алғаш рет жалпыхалықтық сайлау өтіп, егемендіктің негізін салушы – Нұрсұлтан Назарбаев еліміздің тұңғыш Президенті болып сайланды. Бұл жаңа мемлекет қалыптасуының өтпелі кезеңінде сенімді басшыға өз тағдырын сеніп тапсырған қазақстандықтардың жауапты таңдауы еді.

Іс-шарада жастарға Елбасының өмір жолы туралы тың деректер берілді. Портрет-кешке қатысушылар Қонақтар Елбасымен болған кездесулерден алған әсерлерімен бөлісіп, егемендікке қол жеткізген 22 жыл бойы елді басқарып отырған Н.Ә.Назарбаевтың қазақ ұлтының патриоты, ел жанашыры, реформатор, шебер ұйымдастырушы, кемеңгер саясаткер екендігі жөнінде сөз қозғады және Қазақстанды дүниежүзінің дамыған елдерінің қатарына қосу мақсатында айрықша істер атқарылып жатқандығы туралы айтты.

Іс-шара барысында Елбасы туралы фильм көрсетілді.