Кез келген мемлекеттің тәуелсіздігін, ұлт құндылықтарын айқындайтын басты құжат – Конституция. Ол 1995 жылы 30 тамызда жалпыхалықтық референдум негізінде қабылданды. Жыл сайын республикамызда бұл күн басты мемлекеттік мерекелердің бірі ретінде аталып өтіледі.

Бүгін ҚР Конституциясы күні қарсаңында Қостанай облыстық тарихи-өлкетану музейі №14, №19 ОМ және №2 мектеп-лицейінің оқушыларына "Егемен елдің Конституциясы" атты құқықтық дайджест өткізді.

Шара барысында музей қызметкері балаларды еліміздің Негізгі Заңының құрылу тарихымен, оның құрылымымен, негізгі тараулары мен баптары, Қазақстан Республикасы азаматтарының құқықтарымен және міндеттерімен таныстырды.